1ܘܡܲܠܲܐܟܼܵܐ ܗ̇ܘ ܕܚܲܡܫܵܐ ܥܒܼܸܕܠܹܐ ܩܵܠܵܐ؛ ܘܚܙܹܠܝܼ ܟܵܘܟܼܒܼܵܐ ܕܢܦܝܼܠܵܐ ܡ̣ܢ ܫܡܲܝܵܐ ܥܲܠ ܐܲܪܥܵܐ؛ ܘܦܸܫܠܹܗ ܝܘܼܗ݇ܒܼܵܐ ܐܸܠܹܗ ܩܕܝܼܠܵܐ ܕܒܹܪܵܐ ܕܬܗܘܿܡܵܐ. 2ܘܦܬܸܚܠܹܗ ܠܒܹܪܵܐ ܕܬܗܘܿܡܵܐ؛ ܘܐَܣܸܩܠܹܗ ܬܸܢܵܐ ܡ̣ܢ ܒܹܪܵܐ؛ ܐܲܝܟܼ ܬܸܢܵܐ ܕܐܲܬܘܿܢܵܐ ܓܘܼܪܵܐ؛ ܘܚܒܹܠܘܿܢ ܫܸܡܫܵܐ ܘܗܵܘܵܐ ܡ̣ܢ ܬܸܢܵܐ ܕܒܹܪܵܐ. 3ܘܡ̣ܢ ܬܸܢܵܐ ܦܠܸܛܠܘܿܢ ܩܲܡܨܹ̈ܐ ܥܲܠ ܐܲܪܥܵܐ؛ ܘܦܸܫܠܹܗ ܝܘܼܗ݇ܒܼܵܐ ܐܸܠܵܝܗܝ ܗܘܼܟܡܵܐ؛ ܐܲܝܟܼ ܕܐܝܼܬ ܠܗ݇ܘܿܢ ܗܘܼܟܡܵܐ ܥܵܩܸܪ̈ܒܼܹܐ ܕܐܲܪܥܵܐ. 4ܘܦܸܫܠܹܗ ܐَܡܝܼܪܵܐ ܐܸܠܵܝܗܝ ܕܠܵܐ ܚܲܙܕܸܓܝܼ ܠܓܸܠܵܐ ܕܐܲܪܥܵܐ؛ ܘܠܵܐ ܠܟܠ ܩܝܼܢܘܼܬܵܐ؛ ܘܐܘܼܦ ܠܵܐ ܠܟܠ ܐܝܼܠܵܢܵܐ؛ ܐܸܠܵܐ ܐܸܢ ܠܒܢܲܝ̈ܢܵܫܵܐ ܒܢܲܦ̮ܫܵܝ ܐܵܢܝܼ ܕܠܲܝܬ ܡܵܘܗܪ ܕܐܲܠܵܗܵܐ ܥܲܠ ܩܸܨܵܝ. 5ܘܦܸܫܠܹܗ ܣܘܼܦܝܵܐ ܒܝܼܵܝܗܝ ܕܠܵܐ ܩܵܛܠܝܼ ܠܗ݇ܘܿܢ؛ ܐܸܠܵܐ ܕܦܵܝܫܝܼ ܓ̰ܘܼܢܓ̰ܸܪܹܐ ܚܲܡܫܵܐ ܝܲܪ̈ܚܹܐ؛ ܘܓ̰ܘܼܢܓ̰ܵܪܵܐ ܕܝܼܵܝ ܐܲܝܟܼ ܓ̰ܘܼܢܓ̰ܵܪܵܐ ܕܥܵܩܸܪܒܼܵܐ ܐܝܼܡܲܢ ܕܢܵܨܵܐ ܠܐ݇ܢܵܫܵܐ. 6ܘܒܐܵܢܝܼ ܝܵܘܡܵܢܹ̈ܐ ܒܸܬ ܛܵܥܝܼ ܒܢܲܝ̈ܢܵܫܵܐ ܠܡܵܘܬܵܐ ܘܠܹܐ ܡܵܫَܟ̰ܚܝܼ ܠܹܗ؛ ܘܒܸܬ ܫܲܗَܘܸܬܝܼ ܠܸܡܝܵܬܵܐ؛ ܘܒܸܬ ܥܵܪܸܩ ܡܵܘܬܵܐ ܡܸܢܵܝܗܝ. 7ܘܕܘܼܡܝܵܐ ܕܐܵܢܝܼ ܩܲܡܨܹ̈ܐ ܟܹܐ ܕܵܡܹܐ ܗ݇ܘܵܐ ܐܲܝܟܼ ܕܡܘܼܬܵܐ ܕܣܘܼܣܵܘܵܬܹ̈ܐ ܗܘܼܕܪܹܐ ܠܦܠܵܫܵܐ؛ ܘܥܲܠ ܪܹ̈ܫܵܝ ܐܲܝܟܼ ܬܵܐܓ̰ܹ̈ܐ ܒܸܕܡܵܝܵܐ ܠܕܲܗܒܼܵܐ؛ ܘܦܵܬܘܵܬܵܝ̈ܗܝ ܐܲܝܟܼ ܦܵܬܘܵܬܹ̈ܐ ܕܒܢܲܝ̈ܢܵܫܵܐ. 8ܘܐܝܼܬ ܗ݇ܘܵܐ ܠܗ݇ܘܿܢ ܣܲܥܪܵܐ ܐܲܝܟܼ ܟܵܘܣܵܐ ܕܒܲܟܼܬܵܬܹ̈ܐ؛ ܘܟܹܟܵܝ̈ܗܝ ܐܲܝܟܼ ܕܐܲܪ̈ܝܵܘܵܬܵܐ ܗ݇ܘܵܘ. 9ܘܐܝܼܬ ܗ݇ܘܵܘ ܠܗ݇ܘܿܢ ܓܲܝܸܡܟ̰ܵܪܹ̈ܐ؛ ܐܲܝܟܼ ܓܲܝܸܡܟ̰ܵܪܹ̈ܐ ܕܦܪܸܙܠܵܐ؛ ܘܩܵܠܵܐ ܕܓܘܼܠܦܵܢܵܝ̈ܗܝ ܐܲܝܟܼ ܩܵܠܵܐ ܕܐܵܪ̈ܒܵܢܹܐ؛ ܕܣܘܼܣܵܘܵܬܹ̈ܐ ܪܵܒܵܐ ܕܪܵܚܛܝܼ ܠܦܠܵܫܵܐ. 10ܘܐܝܼܬ ܗ݇ܘܵܘ ܠܗ݇ܘܿܢ ܛܘܼܦܪܹ̈ܐ ܕܟܹܐ ܕܵܡܝܼ ܗ݇ܘܵܘ ܠܥܵܩܸܪ̈ܒܼܹܐ؛ ܘܢܸܟܣܹ̈ܐ؛ ܘܒܛܘܼܦܪ̈ܵܝ ܐܝܼܬ ܗ݇ܘܵܐ ܗܘܼܟܡܵܐ ܠܚܲܙܕܘܼܓܹܐ ܠܒܢܲܝ̈ܢܵܫܵܐ ܚܲܡܫܵܐ ܝܲܪ̈ܚܹܐ. 11ܘܐܝܼܬ ܠܗ݇ܘܿܢ ܥܲܠܵܝܗܝ ܡܲܠܟܵܐ؛ ܡܲܠܲܐܟܼܵܐ ܕܬܗܘܿܡܵܐ؛ ܕܫܸܡܹܗ ܝܠܹܗ ܒܠܸܪܫܵܢܵܐ ܕܥܸܒܼܪ̈ܵܝܹܐ؛ ܐܲܒܲܕܘܿܢ؛ ܐܝܼܢܵܐ ܒܕܝܵܘܢܵܝܹ̈ܐ ܐܝܼܬ ܠܹܗ ܫܸܡܵܐ؛ ܐܵܦܘܿܠܘܿܢ. 12ܗ̇ܘ ܚܲܕَ ܘܵܝܵܐ ܐَܙܸܠܹܐ؛ ܗܵܐ؛ ܒܹܐܬܵܝܵܐ ܝܢܵܐ ܡܸܢَܕܪܸܫَ ܬܪܹܝ ܘܵܝܹ̈ܐ ܒܵܬ݇ܪ ܐܲܢܹܐ. 13ܘܡܲܠܲܐܟܼܵܐ ܗ̇ܘ ܕܐܸܫܬܵܐ ܥܒܼܸܕܠܹܗ ܩܵܠܵܐ؛ ܘܫܡܸܥܠܝܼ ܚܲܕَ ܩܵܠܵܐ ܡ̣ܢ ܩܵܪ̈݇ܢܵܢܹܐ ܕܡܲܕܒܚܵܐ ܕܕܲܗܒܼܵܐ؛ ܗ̇ܘ ܕܩܵܕ݇ܡ ܐܲܠܵܗܵܐ؛ 14ܕܒܹܐܡܵܪܵܐ ܠܡܲܠܲܐܟܼܵܐ ܕܐܸܫܬܵܐ؛ ܗ̇ܘ ܕܐܝܼܬ ܗ݇ܘܵܐ ܠܹܗ ܫܝܼܦܘܿܪܵܐ؛ ܫܪܝܼ ܠܐܵܢܝܼ ܐܲܪܒܥܵܐ ܡܲܠܲܐܟܼܹ̈ܐ؛ ܐܵܢܝܼ ܕܝܼܢܵܐ ܐܣܝܼܪܹܐ ܥܲܠ ܢܲܗܪܵܐ ܓܘܼܪܵܐ ܦܪܵܬ. 15ܘܦܸܫܠܗَܘܿܢ ܫܸܪܝܹܐ ܐܵܢܝܼ ܐܲܪܒܥܵܐ ܡܲܠܲܐܟܼܹ̈ܐ؛ ܐܵܢܝܼ ܕܝܼܗ݇ܘܵܘ ܗܘܼܕܪܹܐ ܠܣܵܥܲܬ ܘܠܝܵܘܡܵܐ ܘܠܝܲܪܚܵܐ ܘܠܫܹܢ݇ܬܵܐ؛ ܕܩܵܛܠܝܼ ܠܚܲܕَ ܬܠܝܼܬܵܝܵܐ ܕܒܢܲܝ̈ܢܵܫܵܐ. 16ܘܡܸܢܝܵܢܵܐ ܕܥܲܣܟܵܪ̈ܘܵܬܹܐ ܕܪܵܟܵܒܼܘܼܬܵܐ؛ ܬܲܪ̈ܬܹܝ ܪܸܒܘܼ ܪܸ̈ܒܘܵܢ؛ ܫܡܸܥܠܝܼ ܡܸܢܝܵܢܵܐ ܕܝܼܵܝ. 17ܘܗܲܕܟܼܵܐ ܚܙܹܠܝܼ ܠܐܲܢܹܐ ܣܘܼܣܵܘܵܬܹ̈ܐ ܒܚܸܙܘܵܐ؛ ܘܠܐܵܢܝܼ ܕܝܼܗ݇ܘܵܘ ܝܬܝܼܒܼܹܐ ܥܲܠܵܝܗܝ؛ ܕܐܝܼܬ ܓܲܝܸܡܟ̰ܵܪܹ̈ܐ ܢܘܼܪ̈ܵܢܵܝܹܐ ܘܝܵܩܘܿܢܕܵܝܹ̈ܐ ܘܟܸܒܪ̈ܝܼܬܵܝܹܐ؛ ܘܪܹ̈ܫܹܐ ܕܣܘܼܣܵܘܵܬܹ̈ܐ ܐܲܝܟܼܼ؛ ܪܹ̈ܫܹܐ ܕܐܲܪ̈ܝܵܘܵܬܵܐ؛ ܘܡ̣ܢ ܦܘܼܡܵܝ ܒܸܦܠܵܛܵܐ ܢܘܼܪܵܐ ܘܬܸܢܵܐ ܘܟܸܒܪܝܼܬ. 18ܡܐܲܢܹܐ ܬܠܵܬ݇ܐ ܦܸܫܠܗَܘܿܢ ܩܛܝܼܠܹܐ ܚܲܕَ ܬܠܝܼܬܵܝܵܐ ܕܒܢܲܝ̈ܢܵܫܵܐ؛ ܡ̣ܢ ܢܘܼܪܵܐ ܘܡ̣ܢ ܬܸܢܵܐ ܘܡ̣ܢ ܟܸܒܪܝܼܬ؛ ܐܲܢܹܐ ܕܦܵܠܛܝܼ ܡ̣ܢ ܦܘܼܡܵܝ. 19ܣܵܒܵܒ ܗܘܼܟܡܵܐ ܕܣܘܼܣܵܘܵܬܹ̈ܐ ܒܦܘܼܡܵܝ ܝܠܹܗ ܘܒܛܘܼܦܪ̈ܵܝ؛ ܣܵܒܵܒ ܕܛܘܼܦܪ̈ܵܝ ܟܹܐ ܕܵܡܝܼ ܠܚܘܼܘܵܘܵܬܹ̈ܐ ܕܐܝܼܬ ܠܗ݇ܘܿܢ ܪܹ̈ܫܵܢܹܐ؛ ܘܒܝܼܵܝܗܝ ܟܹܐ ܚܲܙܕܸܓܝܼ. 20ܘܣܵܡܵܐ ܦܝܼܫܵܐ ܕܒܲܢܝ̈ܢܵܫܵܐ؛ ܐܵܢܝܼ ܕܠܵܐ ܦܸܫܠܗَܘܿܢ ܩܛܝܼܠܹܐ ܒܐܲܢܹܐ ܡܲܚܘܵܬܹ̈ܐ؛ ܠܵܐ ܬܘܼܘܸܒܠܘܿܢ ܡ̣ܢ ܦܘܼܠܚܵܢܹ̈ܐ ܕܐܝܼܕܵܬܵܝ̈ܗܝ؛ ܕܵܐܟܼܝܼ ܕܠܵܐ ܣܵܓܼܕܝܼ ܠܕܲܝܘܹ̈ܐ ܘܠܨܵܢܲܡܹ̈ܐ ܕܕܲܗܒܼܵܐ؛ ܘܠܕܣܹܐܡܵܐ؛ ܘܠܕܢܚܵܫܵܐ؛ ܘܠܕܟܹܐܦܵܐ؛ ܘܠܕܩܲܝܣܵܐ؛ ܐܲܢܹܐ ܕܐܘܼܦ ܠܵܐ ܠܸܚܙܵܝܵܐ ܡܵܨܝܼ؛ ܘܠܵܐ ܠܸܫܡܲܥܝܵܐ؛ ܘܠܵܐ ܠܸܚܕܵܪܵܐ؛ 21ܘܠܵܐ ܬܘܼܘܸܒܠܘܿܢ ܡ̣ܢ ܩܸܛܠܵܝ̈؛ ܘܠܵܐ ܡ̣ܢ ܚܸܪ̈ܫܵܝ؛ ܘܠܵܐ ܡ̣ܢ ܙܵܢܝܘܼܬܵܝ؛ ܘܠܵܐ ܡ̣ܢ ܓܹܢܵܒܼܘܼܝܵܬܵܝ̈ܗܝ.